hosy214

2011/01/11

Sasatinnie 水潤再生手腳膜 - 手手腳腳都要呵護下^^

其實我咁大個人都係第一次用手、腳膜~
冇計啦~~~而家天氣真係好乾，d手腳都唔補下真係驚會爆哂.....

今次用既就係佢地~左起:
Sasatinnie 水潤再生手膜
Sasatinnie 水潤再生石蠟腳膜
Sasatinnie 水潤再生石蠟手膜

先介紹一下Sasatinnie 水潤再生石蠟腳膜

拆開，好搞笑，我覺得好似尿壺咁既形狀....哈哈~
佢係精華係膠套入面~一套上去就用得~好方便~

敷緊中，對我黎講都幾大隻，所以搵橡跟封住個口~
再著返對毛毛拖焗一焗佢，一來效果好d，二來可以周圍行唔怕扇親~幾好呀~

30mins後，敷完~有好多精華係腳~唔好哂~按摩下佢吸收埋~
但我敷之前唔記得影相，所以冇得比較tim~sorry sorry!!

可以講既係到左第二日訓醒，對腳仲係好滑，好似紋都小左咁^^

之後介紹一下Sasatinnie 水潤再生手膜 & Sasatinnie 水潤再生石蠟手膜
因為2個都係手膜，所以一齊講啦~

Sasatinnie 水潤再生手膜就係咁有2層既，先係一層有精華既手套~
帶好先後~就要再帶第二層~

帶多層膠手套就ok，唔會周圍漏啦~
而Sasatinnie 水潤再生石蠟手膜同Sasatinnie 水潤再生手膜最大分別，
就係Sasatinnie 水潤再生石蠟手膜好似腳膜咁唔駛分開2次帶，
但佢入面only得一面有精華lor~雖然係方便d，但就冇Sasatinnie 水潤再生手膜咁全面~
可以手掌同手背都得到滋潤~~
不過兩對都係要搵野封住個口，效果會更好~

因為天氣乾，我足足敷左30mins~除果時仲係有好多精華係手~
可以慢慢按摩等佢吸收哂為止~

未用之前，真係好乾.........................好多紋lor.....

敷完，摸上去真係好滑，同埋紋都小d^^

冬天大家真係要勤力d護膚，手腳都同樣要呵護下呀~
其實一路敷住手腳mask，坐係度睇場戲，幾方便~真係好easy就護到膚ga^^

2011/01/10

一試愛上你~Shu uemura UV underbase mousse (含素顏照)

知道今次有得試Shu uemura 出哂名既UV underbase mousse~
真係幾遠都要去拎佢返黎試呀^^

當日一早我就出左去金鐘專門店，人地一開門我就入去打攪哂~
不過BA姐姐不但冇黑面，仲好好禮貌~~~真係唔錯喎~~
入到去BA好細心講解一次呢個BASE有咩功效~點用俾我聽~

佢分別有2隻色，一隻係肌膚色(左面) ，一隻粉紅色(右面)~相機食哂色tim><
之後BA仲幫我試係手上，佢話會肌膚色會岩我d，比較自然~
咁我當然信佢要左肌膚色啦^^

又要再讚一讚ba既細心，佢話呢隻base有控油成份，而家天氣比較乾燥，
以我既皮膚面頰位可以會有小小乾，所以佢再三叮囑我記得搽多d保濕先上base~
最後仲送左2包佢地既精華俾我試tim呀~~~~真係好好好人&細心 ^^

我拎到既就係佢地~UV Under Base Mousse SPF30 PA+++ ( $320 / 65g)
同埋UVUB專用五角綿，一包有4個~~~有牌用啦~~~
先介紹一下UV Under Base Mousse SPF30 PA+++先~
第8代UV泡沫隔離霜升級版擁有全新升級配方，創新革命的「輕膚無感科技」與「液態氣泡穩定技術」，
能製造比一般隔離乳輕薄20倍的綿密慕斯泡沫，獨一無二的SPF30 PA++的防曬功能，並全面升級保濕與緊緻毛孔的完美妝前保養功效，能幫助底妝更完美持久，細緻毛孔。

只要打開透明蓋，就見到個吱口，而且個吱口仲好易按，輕輕按一下就得^^

mossue狀都好結實，唔會好水狀，入斜都唔會周圍漏~
而且佢質地好幼滑~好輕盈~~

用五角綿輕輕沾上就可以搽~好方便!!

左邊係未用之前，皮膚比較多紋，冇光澤~
右邊就係上左一層base，感覺上真係光澤d，睇落去好似仲冇咁乾~
摸落去仲好滑，好似搽左粉咁^^
睇得唔清楚????咁不如直接試上面~

素顏，拉細張d，費事嚇親大家~~~
額頭因為轉天氣出左好多粒粒，眼袋又大，眼圈唔駛講.....膚色比較暗淡，唔均勻~

上左一層base，再畫返眉，夾左睫毛，但唔記得搽唇膏......哈哈哈哈~
不過我覺得成個人睇上去已經精神好多，膚色均勻返哂~
就算平時唔化妝，淨係搽去出街都好足夠，而且佢本身都有30度防曬~~
岩哂我呢d懶人用呀^^

2011/01/08

解破皺紋成因防範未來皺紋 -我相信shiseido^^

星期二既時候出席左Shiseido既座談會後~得到左三支既Shiseido BENEFIANCE Wrinkle Resist 24試用~
呢牌天氣凍，已經急不及待咁開黎用下^^

佢地分別就係: (左起)
BENEFIANCE WrinkleResist24 Extra Creamy Cleansing Foam (HK$280 / 125ML)BENEFIANCE WrinkleResist24 Balancing Softener (HK$400 / 150ml )BENEFIANCE WrinkleResist24 Day Emulsion (HK$450 / 75ML)
BENEFIANCE WrinkleResist24蘊含獨有保濕成分超卓生物透明質酸N(Super Bio-Hyaluronic Acid N)
及能刺激膠原製造的羥脯胺酸(Hydroxyproline)，一天一天淡化已呈現的皺紋，令青春美肌再現。

每支未開之前都有獨立封條，保證冇人開過，確保衛生!!其實用左短短既4日，好明顯既效果真係未睇得見~
不過呢牌天氣咁凍，皮膚冇話甩皮，冇變差，証明佢有一定既功效~
而且我覺得皮膚開始有小小既轉變，比之前有光澤~

我相信keep住用，真係可以做到肌齡再沒意義呢個point^^

先介紹BENEFIANCE WrinkleResist24 Extra Creamy Cleansing Foam (HK$280 / 125ML)
豐盈潔面泡沫，溫和去除衰老跡象成因之一的污垢及老化表皮細胞，
而不會帶走肌膚所需水分。能迅速揉起細膩幼滑泡沫，令肌膚感覺水潤柔滑。 Cleansing Foam 入面有一d橙色既粒粒~原來係一d保濕既粒子黎ga~
唔會有磨沙既感覺，其實洗面果時係feel唔到有粒子既~只係睇得見lor~

起泡效果真係好好，好輕易就可以起到好多泡泡出黎~
只要用之前洗乾淨左手上既油份，就可以起到好多泡泡ga啦~
洗面後真係好乾淨，有爽而不乾既感覺，唔會話好緊好乾咁~好用!!!!

而BENEFIANCE WrinkleResist24 Balancing Softener (HK$400 / 150ml )
全方位抗衰老健膚水，高效迎擊衰老跡象。以源源水潤，即時重整膚質，
使隨後使用的護膚品更易吸收。令肌膚柔軟水潤，減淡皺紋。

佢有陣陣亞洲蘭花既香味，原來的功效早於一千年前已有古籍提及，
多個世紀以來，於園藝學上備受欣賞，廣為貴族所栽種。
BENEFIANCE WrinkleResist24揉合這種蘭花的香氣成分，具護膚功效，有助修復肌膚保護屏障機能。
而質地就呈水狀，我會直接用手上面，輕輕按摩到佢完全吸入~
用完有一種滋潤既感覺~好似補充返好了3水份咁~
而且我都好鐘意佢樽口既設計，唔會話一下就倒好多出黎~份量好易控制~

最後就係BENEFIANCE WrinkleResist24 Day Emulsion (HK$450 / 75ML)
兩款抗衰老晚間乳液，集中針對幼紋與皺紋，預防其惡化。
顯著減淡皺紋，促進睡眠時的修復程序，締造絲滑美肌。
乳液及乳霜兩款質感，同樣能即時提升柔滑度，顯著減淡皺紋和幼紋。
揉合保濕成分金絲桃精華，遏止肌膚粗糙過程，於晚間修復肌膚屏障機能，
令翌朝的肌膚變得明澄亮澤。