實在冇辦法可以打blog，而家終於好返d啦，又可以分享下各樣事~
至於點解呢牌咁唔舒服呢，因為.........
二寶係不知不覺間黎到我地屋企，遲下翱B就要做哥哥啦^^
終於捱到三個月可以公佈，今胎同上胎真係好唔同，上胎勁舒服到生果時都健步如飛~
但今次.....頭暈、作嘔、食唔到野都咩齊，終於感受到懷孕係幾咁辛苦><
由於我經期一向唔準，發現左細B果時用經期計預產期係一定唔準~
不過為左拎懷孕證明去醫院排期都要去醫生度睇，為左唔好似上次咁醫院唔收~
今次專登搵左間有得照超聲波既診所去照，點知發現細B太早期連胎囊都照唔到~
其實果時照唔到都幾擔心，因為驚係宮外孕嘛~
因為照唔到，最後都係要驗尿先拎到懷孕證明~
哂左一次照超聲波錢之餘又要擔心多兩星期，都咪話唔Down.....
拎到懷孕證明之後，就即刻準備齊文件排醫院期啦~
今次我唔係廣華生，揀左係QE，因為都好多好評就試下啦~哈哈~
QE登記排期FAX去就得唔使親身去，交齊文件就有職員打黎約期，方便好多呀!!
第一胎懶，今次懷細B，真係要好好紀錄下各樣產前既準備先得~
下次再分享下去QE登記約期既手續啦^^
沒有留言:
發佈留言