超簡易自製嬰兒版三文魚肉鬆

市面上可以買到既嬰兒食品真係五花百門，間唔中我都會買俾翱B食下等佢試多ｄ唔同味道既食物～

但發現佢好多時一路食一路都會飲好多水，可能味道太濃又或者有味精卦～

所以可以的話我都自己煮住食，起碼自己煮既無防腐劑同味精，始終放心ｄ～

今次就整左超簡易既三文魚鬆佢試下^^

做法好簡單，先將三文魚蒸熟，去皮去骨～

用叉將魚肉壓至全碎，再炒到金黃色就完成啦～

如果你同我一樣有麵包機就更簡單，只要將麵包機教去做果醬模式就得啦～

小貼士，盡量將魚肉有幾碎整幾碎，咁出黎既成品就越鬆脆架啦～

如果唔係俾bb食，可以加返調味料就更加好味啦～

可以加鹽/麻油各1茶匙、糖2茶匙、生抽2湯匙、味醂/料理酒各1湯匙就得～

用麵包機整就慳返d時間唔使自己炒～

不過到尾段都要留意下，因為每部麵包機熱力都唔同，以免炒燶左啦

整好可以就咁當零食食，又或者加入通粉食又得，隨自己鐘意^^

食唔哂用玻樽入好扭實，放乂入雪櫃可以保存到兩至三星期架～

當然越早食哂越好啦，有興趣就試下整啦，真係好簡單架^^