神奇卸妝墊 ~ 方便快捷、不傷皮膚、環保慳錢既卸妝好幫手^^

 

最近試左件好有趣既產品，佢就係崇尚環保與健康既Gogreen88推出~
最新抵港既「韓國神奇卸妝墊」(一套3件 / $250)
到底佢有幾神奇呢?佢標榜係方便快捷、不傷皮膚、非常環保&慳錢既卸妝好幫手^^

佢外型好似一個粉樸咁，有獨特圓形設計，方便使用~
而且擁有超強柔軟度，特別適用於清潔敏感肌膚，好似眼部等既化妝品~
D毛毛真係好柔軟一D都唔吉既~

而用法都好簡單，只要先用小量清水沾濕軟墊~

之後輕卷軟墊，等D水均勻滲透，然後將多餘既水份擠出就得~

如果係日常淡妝，真係咩卸妝油都唔使落ga~

因為化係面好難影相，所以我將個妝化左係手度~
用既化妝品除左眼影係持久既產品，其他化妝品都係我日常用開唔防水既產品~

將岩岩準備好濕既卸妝墊輕輕咁打圈抹去肌膚上面既化妝~
打幾個圈抹一次，7成既化妝品已經卸左落卸妝墊啦~
之後反轉另一邊重覆以上動作幾次，妝就輕易卸走啦~

我抹左3次，係無加任何卸妝產品情況下，9成既妝已經卸左啦，好方便~
係仲要一d閃粉未洗得甩，佢係適用於卸除一般彩妝既~
如果特別難卸既彩妝品都係建議先將神奇卸妝墊沾點卸妝油，將眼睛和嘴唇的彩妝抹走先~

就算無化妝，我都會用佢黎清走面上既防曬產品，當日常清潔真係唔錯~
用左佢比淨係用手洗面乾淨好多，洗完d皮膚乾淨到反光ga~哈哈~

而係卸妝墊上面既化妝品，因為我用既都唔係咩防水產品~
所以只要用洗面膏捽幾下就乾淨哂~
如果你好似我咁多數都係防曬加淡妝的話，呢個卸妝墊真係幫到手架~
可以循環再用，真係慳返唔小卸妝產品錢^^
有興趣可以參考Gogreen88既網址~

<<產品及產品資料由Gogreen88提供>>