2014/11/07

Beauty Forever~給我重拾Baby Skin童顏淨白既感覺^^


生完BB之後日日都好忙好累,都冇好好打理過自己~
唔覺唔覺仔仔已經4個月,好多野都上左手又好湊左~
終於有時間可以執一執自己鬆下啦^^
上星期我就有機會去到Beauty Forever沙田分店試下佢地既Facial同按摩~
簡直好似特別為我呢d新手媽媽既設咁,正呀!!

Book左時間上到去都唔需要等,反而美容師已經準備好等緊我呢~
做之前係間房到先做d簡單問卷,了解返我既皮膚,生活習慣等~
方便返之後做機做facial時用返適合我既東西~

做問卷期間仲有杯花茶俾我嘆下tim~
有花茶,有香薰,未可以做心情已經放鬆左唔小啦^^

做完問卷就帶我入房換衫啦,間房格調簡約,光線教到好柔和~
有梳妝台,入面又有埋沖涼室,又幾好幾方便喎~
因為我係做完療程叫美容師開燈俾我影相,所以床舖比較亂~
其實一入去成間房都好整齊d被摺得好靚,大家可以放心^^

而今日我主要係做身體同面部護理~
開始就先做左身體護理先,今次我做既就係Beauty Forever既Magic Touch療程~
佢係利用紅外線熱能滾珠,隨著經絡既走向,局部提升肌肉組織溫度~
快速疏通身體各淋巴及經絡部位,加強血液循環及新陳代謝~
達到排毒和舒緩肌肉的效果,仲可以有效改善各種因經絡阻滯而出現的問題或痛症~
包括水腫、腰酸背痛、肩周炎等問題添ga~
咁我因為湊仔關係,條腰同膊頭真係又痛又累,所以我主要都係做呢2 part~
成個過程我都唔做點郁,就係咁好舒服攤係張床就有人服侍~哈哈~
大概做左20mins左右啦,過程其實真係唔方便影相,冇理由做做下叫人停低比我影ga嘛~
所以我簡單講下啦~先係落d按摩油,美容師知我係新手媽媽專登揀左個薑油俾我~
因為可以驅下風,暖下身,真係好細心^^
之後就用有個熱熱地滾珠係身上面look look下~
當紅外線電流通過身體d經絡位置時個肌肉位會自然咁跳跳下~
好似有人幫你按摩咁,初初可能會唔慣,但適應左就覺得好舒服~

Magic Touch療程之後就到面部啦~
做既就係Beauty Forever既Baby Skin童顏淨白面部護理~
佢係透過與人體細胞相若的微電流疏通面部經絡,促進血液及淋巴循環~
加強皮膚新陳代謝,有效改善眼部浮腫、黑眼圈、膚色暗啞等問題~
過程我都係有機會先影下相,專心享受個facial比影相更重要嘛~哈哈~
開始係先落妝、洗面、peeling mask、針清,針清一d都唔痛值得一讚~
之後修眉,跟住就用微電流疏通面部經絡啦,過程中冇咩大既電感覺,舒服~
之後利用獨特設計既Shaping Spoon,佢可以幫助收緊及提升鬆弛肌膚~
增加肌膚彈性及突出面部輪廓~用呢個spoon係面部由下而上拉堤,過程如果好似我咁淋巴塞既會有小小痛ga,不過都可以接受既痛呀~
之後就利用點段式壓力波頻,將多種營養成份注入皮膚底層,大大提升細胞的吸收能力~
最後就做埋倒模 ,倒模期間美容師會幫我按肩頸同雙手,真係好嘆好舒服~

換好衫出去返之前間接見房,已經有一盅山楂煲雪梨俾我品嚐^^
酸酸甜甜好好味,好清潤~

湊仔真係湊到我乾哂,做完facial有得睇返before & after既對比~
好彩我全部水份都有升到呀,終於都正常返d冇咁dry啦^^

因為我黎果時都冇咩隨身物又冇去toliet,所以都冇細心睇過店內裝修~
原來都有locker,化妝間,toliet都好乾淨^^

當日我12點半開始做treatment,走果時原來已經4點啦~真係快樂不知時日過~哈哈~
全個過程我都覺得好滿意,美容師好專業同細心~
treatment之後皮膚都有改善到,冇咁dry水潤返,同埋真係白淨左~
所以當日我淨係畫左眉妝都冇化就走左lu^^
唯一係店舖隔離比較嘈一d,不過人地店佢地又真係好難控制到~
整體而言我覺得好滿意,有興趣既快d去Beauty Forever試下啦^^

沒有留言:

發佈留言